Thursday, August 07, 2008

Usne Kaha tha ...

Pahli baar use pados ki parchoon ki dukan par dekha tha, Un garmiyon ki chhuttiyon me main apne Mama ke yahan gaya tha. Use Dekhte hi kuchh bolne ka Ji hua. kahne ko kuchh behtar nahi tha to maine poochha "teri Kudmai(engagement) ho gayee ?? " Dhhatt.. !! kah kar wo wapis bhag gayee. Ab ye roz ka silsila ho gaya tha, roz main uske aane ka intejar karta aur fir wohi sawaal poochhta "Teri Kudmai ho gayee ??" aur badle me wo dhhatt .... !! kah kar bhag jati. Us din bhi roz ki tarah main uska intejar kar raha tha, aur wo roz se jyada achchi lag rahi thi. uske aate hi maine poochha "teri kudmai ho gayee .. !!". main us Dhatt .. !! ka intejar kar rah tha. Usne kuchh der mujhe dekha aur boli "haan .. !!". maine kuchh nahi kaha bas use dekhta raha wo wapis mudi aur dheere dheere apni Gali ki or chali gayee. aur main use jate huye dekhta raha. .....
Kuchh saal baad fauz k mere ek Dost ne mujhe ghar par khane par bulaya. kuchh kaam se wo thodi der k liye bahar gaya. Pichhe se ghar ka naukar aakar bolta hai ki BibiJi aapko milne k liye bula rahi hain. Parde ki pichhe ki aawaj ko maine namaste kaha, jawab me usne dheere se parda hataya. Itne saalon baad use fir se dekh kar ajeeb sa laga. Usne poochha "Kaise ho". mujhe kuchh jawan na soojha to maine kaha "teri Kudmai ho gayee.. !!" aur wo hans di. "Inka khyal rakhna Fauj se mera Ji ghabrata hai..". maine kaha "fikar na karo...kuchh nahi hoga".
Aaj wo sari baten wapis se yaad aa rahi hai. dost ko bachate huye ek goli ne apna rasta dhoondh liya. Golioyn aur dhamakon ki aawaj door ja rahi hai. main usse poochh raha hoon "teri Kudmai ho gayee..?". aur wo "Dhatt.. !!" keh kar bhag jati hai. main use jate huye dekh raha hoon.


-- Mannu Bhandari
"Usne kaha tha" not the original text but as I remember it.

No comments:

Post a Comment